اسلام آباد (ويب ڊيسڪ) ڊسٽرڪٽ اينڊ سيشن ڪورٽ اسلام آباد رياستي ادارن تي گمراهه ڪندڙ الزامن ۽ ساک متاثر ڪرڻ جي ڪيس ۾ عدم حاضري تي خيبر پختونخواهه جي وڏي وزير سهيل آفريدي جا ضمانت نه ٿيڻ جوڳا گرفتاري وارنٽ جاري ڪري ڇڏيا.
سهيل آفريدي خلاف رياستي ادارن تي گمراهه ڪندڙ الزامن ۽ ساک متاثر ڪرڻ جي ڪيس جي ٻڌڻي سينيئر سول جج عباس شاهه ڪئي.
عدالت سهيل آفريدي کي گرفتار ڪري پيش ڪرڻ جو حڪم ڏنو ۽ ڪيس جي ٻڌڻي 17 جنوري تائين ملتوي ڪري ڇڏي.
واضح رهي ته سهيل آفريدي خلاف پيڪا ايڪٽ تحت اين سي سي آءِ اي ڪيس داخل ڪيو آهي.
