اسلام آباد (ويب ڊيسڪ) پاڪستان ٽيلي ڪميونيڪيشن لميٽيڊ (پي ٽي سي ايل) باضابطا طور تي ٽيلي نار جو انتظام سنڀالي ورتو.
پي ٽي سي ايل، ٽيلي نار پاڪستان ۽ اوريون ٽاورز جي 100 سيڪڙو شيئرز جي خريداري مڪمل ڪري انهن کي پنهنجي ذيلي ڪمپنين طور شامل ڪري ورتو آهي.
هاڻ پي ٽي سي ايل گروپ ۾ يو فون، يو بينڪ ۽ ٽيلي نار پاڪستان شامل آهن، عبوري مدي ۾ ٽيلي نار پاڪستان هڪ ڌار قانوني اداري طور ڪم جاري رکندو پر ريگوليٽري منظورين کانپوءِ ان کي يو فون سان ضم ڪيو ويندو.
پي ٽي سي ايل جي صدر ۽ سي اي او حاتم بامطرف چيو ته اهو قدم واهپيدارن لاءِ بهتر نيٽ ورڪ ۽ جديد ڊجيٽل خدمتن جي فراهمي ۾ مددگار ثابت ٿيندو.
هن ٽيلي نار پاڪستان جي ٻن ڏهاڪن تي ٻڌل خدمتن جو اعتراف ۽ ٿورا به مڃيا ۽ نئين ساٿين کي ڀليڪار چيو.
ان انضمام سان پاڪستان جي ڊجيٽل معيشت وڌيڪ مستحڪم ٿيندي ۽ ٽيلي ڪام سيڪٽر ۾ ترقي جا نوان امڪان کلندا.
