اسلام آباد (ويب ڊيسڪ)سينيٽ جي انساني حقن بابت اسٽينڊنگ ڪميٽي جي چيئرپرسن شيري رحمان چيو آهي ته ملڪ ۾ 480 عدالتون موجود آهن، پر جڏهن اسان کي قانون سازي لاءِ چيو وڃي ٿو ته ان تي عمل ڪير ڪندو؟
سينيٽ جي انساني حقن بابت اسٽينڊنگ ڪميٽي جو اجلاس ٿيو، جنهن ۾ پنجاب حڪومت جي نمائندي ڪميٽي کي بريفنگ ڏني وئي.
پنجاب جي نمائندي چيو ته 2021ع ۾ ڪُل جينڊر بيسڊ وائلنس (جي بي وي) ڪيسن جو انگ 30 هزار 757 رڪارڊ ٿيو، جڏهن ته 2022ع ۾ مجموعي جي بي وي ڪيسن جو انگ 35 هزار 477 رهيو.
ڪميٽي کي بريفنگ ۾ ٻڌايو ويو ته پنجاب ۾ 2021ع کان 2022ع دوران جينڊر بيسڊ وائلنس ڪيسن ۾ 15 سيڪڙو واڌ ٿي، جڏهن ته 2023ع ۾ مجموعي ڪيس 46 هزار 36 رڪارڊ ڪيا ويا.
بريفنگ موجب، پنجاب ۾ 2022ع کان 2023ع تائين جينڊر بيسڊ وائلنس ڪيسن ۾ 30 سيڪڙو اضافو ٿيو ۽ 2024ع ۾ مجموعي طور جي بي وي ڪيس 61 هزار 97 تائين پهچي ويا، جنهن جو مطلب آهي ته 2023 کان 2024 دوران جي بي وي ڪيسن ۾ 33 سيڪڙو واڌ ٿي.
انساني حقن جي ڪميٽي جسٽس علي باقر نجفي جي نوٽ تي هڪ ڀيرو ٻيهر مذمت ڪئي، چيئرپرسن شيري رحمان چيو ته هڪ جج طرفان اهڙا لفظ سمجهه کان ٻاهر آهن، سڄي ملڪ ۾ 480 عدالتون موجود آهن، پر جڏهن اسان کي قانون سازي لاءِ چيو وڃي ٿو ته ان تي عمل ڪير ڪندو؟
هن وڌيڪ چيو ته عدالتون فيصلو ڏينديون آهن، پر ان تي عمل ناهي ٿيندو ۽ عدالتن جي فيصلن کي نظرانداز ڪيو ويندو آهي.
شيري رحمان چيو ته عورتن کان وائلنس جو ڪارڻ پڇڻ بدران مٿن الزام مڙهيو ويندو آهي، نياڻين کي قتل کي بچائڻ جو جواز طور پيش ڪيو ويندو آهي.
هن چيو ته قانون ٺاهڻ کانپوءِ ان تي عمل ڪيئن ٿيندو، پهرين عورتن کي رپورٽ داخل ڪرائڻ کان روڪيو ويندو آهي ۽ پوليس لڄالٽ واري مسئلي تي چوندي آهي ته توهان پاڻ ڪجهه ڪيو هوندو، ريپ کانسواءِ ٻين معاملن ۾ پوليس چوندي آهي ته اهو خانداني معاملو آهي.
شيري رحمان چيو ته پاڻ ڪجهه به ڪن ٿا، پر ڀيڻ ڪجهه ڪرڻ تي اڃا تائين غير جاڳي پئي ٿي.
