ڪراچي(رپورٽر) سنڌ جي سينئر وزير ۽ اطلاعات، ٽرانسپورٽ ۽ ماس ٽرانزٽ واري صوبائي وزير شرجيل انعام ميمڻ چيو آھي ته دُنيا جو سڀني کان وڏو ھائوسنگ پروگرام ايس پي ايڇ ايف ھڪ اسڪيم کان وڌيڪ ھڪ سماجي انقلاب بڻجي چُڪو آھي، ھن وقت تائين ويھه لک ماڻھن جي ويريفڪيشن مڪمل ٿي چُڪي آھي ۽ 15 لک ماڻھن جا اڪائونٽ کوليا ويا آھن، جڏھن ته ساڍا ڇھ لک گھرن جي تعمير آخري مرحلن ۾ آھي. ھڪ بيان ۾ ھن چيو آھي ته ھائوسنگ پروگرام ايس پي ايڇ ايف جي ذريعي ڏهه لک ماڻھن جي لاءِ روزگار جا موقعا پيدا ٿيا آھن ۽ 9 لک عورتن کي گھر جي زمين جي مالڪي جو حق ڏنو ويو آھي. شرجيل انعام ميمڻ چيو ته ڪراچي ۾ صاف پاڻي ۽ گندي پاڻي جي نيڪال لاءِ 38 ڏھائي 5 ارب رُپيا رکيا ويا آھن ۽ ڪي فور، حب اسٽارم واٽر ڊرين ۽ ڪي ڊبليو ايس ايس آءِ پي ٽو جھڙن رٿائن جي لاءِ فنڊز بھ جاري ٿي چُڪا آھن، سنڌ سرڪار پنھنجي ترقياتي ايجنڊا تي تيزي سان ڪم ڪري رھي آھي. ھن چيو ته شھري ۽ ٻھراڙي جي علائقن ۾ روڊن ۽ رابطي جي نظام جي بھتري تي اڳڀرائي جاري آھي ۽ وزير اعليٰ ھن وقت تائين 620 منصوبن جو جائزو وٺي چُڪو آھي، ڪورنگي ڪاز وي پُل، انڊر پاسز ۽ لياري ٽرانسفارميشن منصوبو به پورو ٿيڻ وارو آھي، گڏوگڏ 970 ڪلوميٽر روڊن جي بحالي تي ڪم جاري آھي.
