ڪراچي (رپورٽر) سنڌ هاءِ ڪورٽ جي آئيني بينچ جي جسٽس يوسف علي سعيد ۽ جسٽس مبين لاکي تي ٻڌل ٻه رڪني بئنچ ۾ مرحوم اڳوڻي اسپيڪر سنڌ اسيمبلي آغا سراج دراني جي ڌيءَ جي حفاظتي ضمانت لاءِ درخواست جي ٻڌڻي ٿي، عدالت 20 ڏينهن جي لاءِ حفاظتي ضمانت منظور ڪري احتساب عدالت ۾ پيش ٿيڻ جو حڪم ڏنو، عدالت ۾ نيب ۽ سرڪاري وڪيلن درخواست جي مخالفت ڪئيم هنن جو چوڻ آهي ته صنم دراني خلاف احتساب عدالت ون ۾ ريفرنس ٻڌڻي هيٺ آهي انڪري ضمانت نه ڏني وئي، عدالت پڇاڻو ڪيوته ڇا توهان نٿا چاهيو ته درخواست ڏيندڙ يا مفرور جوابدار پاڪستان واپس اچي، جسٽس يوسف سعيد رمارڪس ۾ چيو ته پاڪستان اچڻ تي، هن کي احتساب عدالت ۾ پيش ٿيڻو پوندو، پوءِ عدالت قانون مطابق جيڪو به ڪارروائي چاهيندي، درخواستگذار جي وڪيل چيو ته هاءِ ڪورٽون عام طور تي آئين جي آرٽيڪل 199 ۾ ڪرمنل پروسيجر ڪوڊ جي سيڪشن 561 جي اختيارن کي استعمال ڪنديون آهن، آئيني بينچ کي بنيادي حقن جي اختيارن سان گڏ باقاعده بينچ جا اختيار حاصل آهن، وڪيل جو چوڻ آهي ته درخواستگذار آمريڪا ۾ آهي، لاڳاپيل عدالت ۾ پيش ٿيڻ لاءِ 8 کان 10 هفتا ڏنا وڃن، عدالت چيو ته ايترو ڊگهو وقت نٿو ڏئي سگهجي، جيڪڏهن درخواستگذار اچڻ چاهي ٿو ته ڪجهه تياريون ڪرڻيون پونديون، صنم دراني خلاف آغا سراج دراني جي ڪرپشن مان فائدو حاصل ڪرڻ جي الزام ۾ ريفرنس ٻڌڻي هيٺ آهي.آغا سراج دراني جي ضمانت رد ٿيڻ کان پوءِ درخواستگذار ملڪ ڇڏي وئي هئي .
