لاهور (ويب ڊيسڪ) پاڪستان جي ڪرڪيٽ شوقينن لاءِ خوشخبري سامهون اچي وئي، ڇو ته پاڪستان سپر ليگ ۾ ٻن نين ٽيمن جي شموليت جو امڪان آهي.
پاڪستان ڪرڪيٽ بورڊ ليگ ۾ واڌ جو حتمي فيصلو ڪري ورتو آهي ۽ 2026 جي سيزن ۾ 6 بدران 8 ٽيمون شرڪت ڪنديون.
ذريعن موجب نين ٽيمن لاءِ جن شهرن تي غور ڪيو پيو ڃي، انهن ۾ حيدرآباد، ميرپورخاص، سيالڪوٽ ۽ فيصل آباد شامل آهن پر حتمي فيصلو ناهي ڪيو ويو.
فيصلو ٻولي (بڊنگ) جي عمل ۽ فرنچائز خريد ڪندڙ ڌرين جي دلچسپي جي بنياد تي ڪيو ويندو.
پي ايس ايل ۾ ٽيمن جو انگ وڌائڻ جو مقصد نه رڳو ليگ کي وڌيڪ مقبول بڻائڻ آهي پر ملڪ جي ٻين شهرن کي به ان ميگا ايونٽ جو حصو بڻائڻ آهي.
