ڪراچي (ويب ڊيسڪ) 100 کان وڌيڪ ٻارڙين کي زيادتي جو نشانو بڻائيندڙ جوابدار کي عدالت 5 ڏينهن جي جسماني رمانڊ تي پوليس حوالي ڪري ڇڏيو.
پوليس اختيارين موجب جوابدار ڪيتري ئي عرصي کان پيسن ۽ انعام جي لالچ ڏئي ٻارڙين کي زيادتي جو نشانو بڻائيندو رهيو.
جاچ ۾ انڪشاف ٿيو ته جوابدار 2016 کان اهي سنگين ڏوهه ڪري رهيو آهي ۽ هيل تائين ڪيتريون ئي ٻارڙيون ان جي ظلم جو شڪار بڻجي چڪيون آهن.
پوليس موجب متاثر ٻارڙين جي عمر 7 کان 13 سالن جي وچ ۾ آهي، جاچ دوران جوابدار جي موبائل فون مان 100 کان وڌيڪ اهڙيون وڊيوز به برآمد ٿيون، جن ۾ هو ٻارڙين سان زيدتي ڪندي نظر اچي رهيو آهي.
ان کانسواءِ پوليس جوابدار جي قبضي مان هڪ يو ايس بي به هٿ ڪئي آهي، جنهن ۾ وڌيڪ ڪيتريون ئي وڊيوز موجود آهن، جوابدار علائقي ۾ رهائش لاءِ هڪ ڪمرو ۽ هڪ دڪان مسواڙ تي ورتو هو ۽ اڪثر ٻارڙين کي ڏٽا ڏئي اتي وٺي ويندو هو.
پوليس ٻڌايو ته جوابدار جون حرڪتون انتهائي ڳڻتيءَ جوڳيون آهن، تنهن ڪري وڌيڪ جاچ لاءِ رمانڊ ورتو ويو آهي.
