پيونگ يانگ (ويب ڊيسڪ) اتر ڪوريا جي اڳواڻ ڪم جونگ ان يوڪرين تڪرار تي روس جي فيصلن جي غير مشروط حمايت جو اعلان ڪري ڇڏيو.
اتر ڪوريا جي شهر وونسان ۾ روسي پرڏيهي وزير سرگئي لاروف اتر ڪوريا جي اڳواڻ ڪم جونگ ان سان ملاقات ڪئي.
ملاقات ۾ روس اتر ڪوريا جي سلامتي ۽ خود مختياري کي نقصان پهچائڻ جي ڪنهن به ڪوشش جي مخالفت جو اظهار ڪيو.
ان موقعي تي اتر ڪوريا ۽ روس هڪ ٻئي جي علائقائي سلامتي جي تحفظ لاءِ سهڪار جي عزم جو اظهار ڪيو.
روسي پرڏيهي وزير چيو ته اتر ڪوريا سان اسٽريٽيجڪ ڀائيواري وڌيڪ مضبوط ڪرڻ چاهيون ٿا.
