ڪراچي (ويب ڊيسڪ) سوشل ميڊيا تي اڄڪلهه اها خبر تيزي سان وائرل ٿي رهي آهي ته اسٽيٽ بينڪ آف پاڪستان 2025 جي آخر تائين 10، 20، 50، 100، 500، 1000 ۽ 5000 رپين جا نئين ڊيزائن وارا جديد ڪرنسي نوٽ جاري ڪرڻ جو اعلان ڪيو آهي.
وائرل پوسٽن ۾ اها دعويٰ به ڪئي وئي ته 2024 ۾ ڳجهي آرٽ مقابلو ڪرائي ڊيزائن جي چونڊ ڪئي وئي.
نون ۽ جديد ڊيزائن جي ڪرنسي نوٽن تي اسٽيٽ بينڪ اهم بيان جاري ڪيو آهي.
اسٽيٽ بينڪ ترجمان چيو آهي ته اسان وٽ 2025 ۾ ڪرنسي نوٽن جي ڊيزائن تبديل ڪرڻ يا پوليمر نوٽيس جي تجربي جو ڪو منصوبو ناهي.
ترجمان خبردار ڪيو آهي ته اهڙا افواهه فراڊ ۽ مالي نقصان جو ڪارڻ بڻجي سگهن ٿا، اسٽيٽ بينڪ سائبر اختيارين سان گڏجي اها جعلي خبر پکڙيندڙن جو پتو لڳائڻ جو عمل شروع ڪري ڇڏيو آهي.
