لاهور (ويب ڊيسڪ) پيٽروليم شين جي اگهن ۾ واڌ کانپوءِ پاڪستان ريلوي به مسافر ۽ مال بردار ٽرينن جي ڀاڙن ۾ اضافو ڪري ڇڏيو.
پاڪستان ريلوي حڪومت پاران پيٽروليم شين جي اگهن ۾ واڌ بعد مسافر ٽرينن ۽ مال بردار جي ڀاڙن ۾ واڌ جو نوٽيفڪيشن جاري ڪري ڇڏيو آهي.
نوٽيفڪيشن موجب مسافر ٽرينن جي ڀاڙن ۾ 3 سيڪڙو ۽ فريٽ ٽرينن جي ڀاڙن ۾ 4 سيڪڙو اضافو ڪيو ويو آهي.
مسافر ٽرينن لاءِ نوان اگهه 20 جون کان لاڳو ٿيندا، جڏهن ته مال بردار ٽرينن لاءِ اها واڌ 23 جون کان لاڳو ٿيندي.
