ڪينبرا (ويب ڊيسڪ) اڳوڻي آسٽريلوي ڪپتان ايرون فنچ قومي ٽيم جي مڊل آرڊر بيٽر بابر اعظم کي ڏهاڪي جو عظيم رانديگر قرار ڏئي ڇڏيو.
هڪ انٽرويو ۾ ايرون فنچ بيگ بيش ليگ ۾ سڊني سڪسرز طرفان بابر اعظم کي اسڪواڊ جو حصو بڻائڻ جي سوال تي چيو ته پاڪستاني رانديگرن ۾ هن وقت بابر اعظم کان وڏو ڪو نالو ناهي، هو هن وقت ڏهاڪي جي عظيم ترين رانديگر طور سامهون آيو آهي.
هن چيو ته بابر اعظم سڄي دنيا ۾ پنهنجي ڪارڪردگي سان تنقيد ڪندڙن کي جواب ڏنو آهي، اسان جا شوقين اهڙي پليئر کي آسٽريلوي سرزمين تي کيڏندي ڏسڻ پسند ڪندا.
