ڍاڪا (ويب ڊيسڪ) بنگلاديش جي عبوري حڪومت جي سربراهه محمد يونس قوم سان خطاب ۾ ايندڙ سال ملڪ ۾ چونڊن جو اعلان ڪري ڇڏيو.
قوم کي خطاب ڪندي محمد يونس چيو ته بنگلاديش ۾ چونڊون اپريل 2026 جي پهرين ٻن هفتن ۾ ڪنهن به ڏينهن ٿينديون.
هن چيو ته بنگلاديش جي اليڪشن ڪميشن ايندڙ ڏينهن ۾ چونڊن جو مڪمل شيڊيول جاري ڪندي.
سندس چوڻ هو ته عبوري حڪومت سڌارن، انصاف ۽ چونڊن جي مينڊيٽ تي ملڪ جو انتظام سنڀاليو هو ۽ ايندڙ عيدالفطر تائين ملڪ ۾ انصاف ۽ سڌارن جي حوالي سان قبولڻ جوڳي حد تائين ڪم مڪمل ٿي چڪو هوندو.
واضح رهي ته بنگلاديش ۾ گذريل سال آگسٽ ۾ پرتشدد عوامي انقلاب کانپوءِ وزيراعظم حسينا واجد ڀارت فرار ٿي وئي هئي، جنهن کانپوءِ نوبيل انعام يافتا محمد يونس کي بنگلاديش جو عبوري سربراهه مقرر ڪيو ويو هو.
