لاس اينجلس (ويب ڊيسڪ) جيمز بانڊ سيريز ۾ ڏهه سالن تائين شاندار اداڪاري پيش ڪندڙ مشهور اداڪار جو ڊان بيڪر 89 ورهين جي ڄمار ۾ لاڏاڻو ڪري ويو.
فلم ۽ ٽي وي جي شعبي سان واڳيل باصلاحيت اداڪار جو ڊان بيڪر 2012ع ۾ پنهنجي فلم ”مڊ“ جي رليز سان گڏ ئي رٽائرمينٽ جو اعلان ڪيو هو.
جو ڊان بيڪر کي ”واڪنگ ٽال“ فلم ۽ 1987ع کان 1997ع جي جيمز بانڊ سيريز جي ٽن فلمن ۾ پنهنجي جاندار اداڪاري ذريعي شهرت ماڻي.
هو 1936ع ۾ ڄائو ۽ پنهنجي 47 سالن جي فني سفر دوران وڏي پردي تي پنهنجي اداڪاري جا جوهر ڏيکاريا، جو ڊان بيڪر پنهنجي مداحن لاءِ هڪ يادگار ورثو ڇڏي ويو آهي.
