ممبئي (ويب ڊيسڪ) عظيم ڀارتي ڪرڪيٽر سچن ٽنڊولڪر جي نياڻي سارا فرنچائز ٽيم جي مالڪياڻي بڻجي وئي.
پرڏيهي ميڊيا رپورٽس موجب، ڊجيٽل انٽرٽينمينٽ ۽ ٽيڪنالاجي جي عالمي ڪمپني جيٽ سنٿيسس اعلان ڪيو آهي ته سارا ٽنڊولڪر هاڻي ”گلوبل ايِ-ڪرڪيٽ پريميئر ليگ“ جي ٻئي سيزن ۾ ممبئي فرنچائز جي مالڪياڻي بڻجي وئي آهي.
اي-ڪرڪيٽ ۽ انٽرٽينمينٽ ليگ ”ريل ڪرڪيٽ“ گيم تي کيڏي ويندي آهي، جنهن کي 30 ڪروڙ کان وڌيڪ ماڻهو ڊائون لوڊ ڪري چڪا آهن.
پهرئين سيزن جي ڀيٽ ۾ رانديگرن جي دلچسپي ۾ پنجوڻ تي اضافو ٿيو آهي ۽ رانديگرن جي رجسٽريشن جو انگ 9 ڏهائي 10 لک تائين پهچي ويو آهي.
ان ڏس ۾ سارا ٽنڊولڪر اي-اسپورٽس ۾ رانديگرن جي وڌندڙ دلچسپي کي نظر ۾ رکندي ٽيم خريدڻ جو فيصلو ڪيو.
سندس چوڻ هو ته ”ڪرڪيٽ اسان جي ڪٽنب جو حصو رهي آهي، اي-اسپورٽس جو نئون تجربو ڪرڻ لاءِ پرجوش آهيان، ممبئي فرنچائز جي مالڪياڻي بڻجڻ مون لاءِ ڪنهن خواب جي ساڀيان جيئن آهي.“
