پشاور (م ڊ) وفاقي گهرو وزارت خيبرپختونخواهه حڪومت کان افغان شاگردن جو رڪارڊ گهري ورتو. وفاقي گهرو وزارت جي پرڏيهي قومي سلامتي سيل خيبرپختونخوا جي گهرو سيڪريٽري کي خط لکيو. گهرو وزارت پاران لکيل خط ۾ چيو ويو ته فارين نيشنل سيڪيورٽي سيل پرڏيهين سان لاڳاپيل ڊيش بورڊ کي اپڊيٽ ڪري رهي آهي ۽ خيبر پختونخواهه ۾ تعليم حاصل ڪندڙ سڀني افغان شاگردن جي ڊيٽا 27 مارچ تائين موڪلي وڃي. ذريعن موجب پڇيو ويو آهي ته ڪي پي مان ڪيترن افغان شهرين کي واپس موڪليو ويو؟ سندن نيڪالي بابت رپورٽ به طلب ڪئي وئي. خيال رهي ته 31 مارچ کان افغان سٽيزن ڪارڊ رکندڙ به غيرقانوني سمجهيا ويندا.
