ڪراچي (ويب ڊيسڪ) پاڪستاني اوپنر فخر زمان آءِ سي سي چيمپيئنز ٽرافي جي پهرين ميچ دوران انجري جو شڪار ٿي ويو.
نيشنل اسٽيڊيم ڪراچي ۾ پاڪستان ۽ نيوزيلينڊ وچ ۾ چيمپيئنز ٽرافي جي افتتاحي ميچ جاري آهي. ميچ پاڪستاني ڪپتان محمد رضوان ٽاس کٽي پهريان فيلڊنگ جو فيصلو ڪيو.
فيلڊنگ دوران فخر زمان کي انجري ٿي ۽ هو ميدان کان ٻاهر هليو ويو، ڪجهه دير کانپوءِ هو واپس ميدان ۾ آيو، پر وري ڊريسنگ روم ڏانهن واپس موٽي ويو.
پي سي بي موجب، فيلڊنگ دوران فخر زمان جي چيلهه ۾ سَٽ اچي وئي، جنهن جو طبي معائنو ڪيو پيو وڃي.
