اسلام آباد (ع آ نيوز) چيف اليڪشن ڪمشنر جي عهدي لاءِ اهم حڪومتي اتحادي اڳوڻي چيف جسٽس قاضي فيض جو حامي بڻجي ويو آهي، پر اڳوڻي ججن ناصر الملڪ ۽ تصدق جيلاني جي نالن تي به غور ڪيو پيو وڃي. تفصيل موجب چيف اليڪشن ڪمشنر ۽ ميمبرن جي مقرري تي حڪومت ۽ مخالف ڌر وچ ۾ مشاورت شروع ٿي وئي آهي. ذريعن جو چوڻ آهي ته حڪومت سي اي سي ۽ ميمبرن لاءِ اڳوڻي ججن يا ڪامورن جي نالن تي غور ڪري رهي آهي. ذريعن جو چوڻ آهي ته ن ليگ ۾ اڳوڻي ججن ناصر الملڪ ۽ تصدق جيلاني جي نالن تي به غور ڪيو پيو وڃي، جڏهن ته نالن کي حتمي شڪل ڏيڻ کانپوءِ ن ليگ صدر زرداري ۽ اتحادين سان مشاورت ڪندي.
