ڪراچي (ويب ڊيسڪ) آمريڪي قونصل خاني جي عملي آمريڪي عورت کي وطن واپسي لاءِ راضي ڪري ورتو.
سوشل ميڊيا تي پاڪستاني نوجوان سان مبينا محبت ۾ گرفتار ٿي ڪراچي پهتل آمريڪي عورت سان جناح اسپتال ۾ آمريڪي قونصليٽ جي عملي ملاقات ڪئي.
ذريعن موجب، جناح اسپتال جي اسپيشل وارڊ ۾ علاج هيٺ آمريڪي عورت اونيجا اينڊريو رابنس کي وطن واپس وڃڻ لاءِ راضي ڪيو ويو آهي ۽ آمريڪي قونصل خاني طرفان سندس لاءِ واپسي واري ٽڪيٽ جو بندوبست ڪيو پيو وڃي.
