ڪيپ ٽائون(ويب ڊيسڪ) آءِ سي سي چيمپيئنز ٽرافي کان اڳ ڏکڻ آفريڪي ٽيم لاءِ ڏينهون ڏينهن پريشانيون وڌي رهيون ۽ هاڻي اينرڪ نورٽجي کانپوءِ جيرالڊ ڪوئيٽزي به انجري جو ڪار ٿي ويو آهي.
ڏکڻ آفريڪي ٽيم ڪجهه ڏينهن اڳ چيمپيئنز ٽرافي اسڪواڊ جو اعلان ڪيو جنهن کانپوءِ اسڪواڊ ۾ شامل اينرڪ نورٽجي انجري سبب ٽورنامينٽ مان ٻاهر ٿي ويو.
نورٽجي جي انجري کانپوءِ جيرالڊ ڪوئيٽزي جو نالو سندس متبادل طور چيمپيئنز ٽرافي اسڪواڊ ۾ شامل ڪيو ويو پر هاني ڪوئيٽزي به هيمسٽرنگ انجري جو شڪار ٿي ويو آهي.
هيمسٽرنگ انجري سبب ڪوئيٽزي کي چيمپيئنز ٽرافي ۾ شرڪت شڪي ٿي وئي آهي.
ميڊيا رپورٽس موجب، فاسٽ بالر جيرالڊ ڪوئيٽزي جي پاڪستان ۾ شيڊيول ٽورنامينٽ ۾ شرڪت جو فيصلو فيبروريءَ جي پهرئين هفتي ۾ ٿيندو.
ڪرڪيٽ ڏکڻ آفريڪا جي ميڊيڪل ٽيم فاسٽ بالر جي انجري جي نگراني ڪري رهي آهي.
ياد رهي ته چيمپيئنز ٽرافي 19 فيبروري کان 9 مارچ تائين پاڪستان ۽ گڏيل عرب امارتن ۾ کيڏي ويندي.
You might also like