اٽلي ۾ جي هڪ ڳوٺ جي ميئر، جنهن جو نالو انتونيو ٽورچيا آهي، ماڻهن جي بيمار ٿيڻ تي پابندي لڳائڻ جو اعلان ڪيو آهي.
پرڏيهي ميڊيا موجب اهڙو اعلان صحت گهٽ سهولتن ۽ بحرانن کي ڏسندي ڪيو ويو آهي.
اٽلي جي ڪائونٽي بيلڪاسٽرو جي ڳوٺ ڪلابريا جي ميئر انتونيو ٽورچيا مقامي رهواسين کي حڪم ڏنو آهي ته اهي ڪنهن به وڏي بيماري جو شڪار نه ٿين جنهن ۾ ايمرجنسي طبي مدد جي ضرورت هجي. ان سان گڏ، ميئر انهن کي اهو به ٻڌايو آهي ته اهي اهڙن سرگرمين يا ڪم کان پاسو ڪن جن ۾ شديد زخمن جو خطرو هجي. ان سان گڏ، انهن کي آرام ڪرڻ جو مشورو پڻ ڏنو آهي.
پرڏيهي ميڊيا موجب ان عجيب اعلان کانپوءِ ميئر پنهنجي وضاحت ۾ چيو آهي ته اهو حڪم مقامي صحت جي نظام ۾ موجود خامين ۽ بحران جي طرف ڌيان ڇڪائڻ جو هڪ طريقو هو. ميئر چيو آهي ته بيلڪاسٽرو جي 1200 رهواسين مان اڌ جي عمر 65 سالن کان وڌيڪ آهي ۽ ڳوٺ جو سڀ کان ويجهو اسپتال تقريباً 30 ميل پري آهي.
هن ڳوٺ ۾ رڳو هڪ ڊاڪٽر آهي جيڪو فون تي موجود آهي، پر افسوس سان چوڻو پوي ٿو ته اها سروس به رات، هفتي جي آخر ۾ ۽ ٻين موڪلن واري ڏينهن ۾ ميسر ناهي هوندي. جنهن جو مطلب آهي ته جيڪڏهن ڪنهن کي طبي مدد جي ضرورت آهي ته ان کي 30 ميل پري اسپتال وڃڻو پوندو.
پرڏيهي ميڊيا جو چوڻ آهي ته ڪلابريا اٽلي جي غريب ترين علائقن ۾ شمار ٿئي ٿو، جتي 2009 کان اڄ تائين 18 اسپتالون بند ٿي چڪيون آهن.
