پاڪستان حڪومت دنيا جي اسلامي ملڪن جي تعاون سان دنيا جي مسلمان ملڪن ۾ ڇوڪرين جي تعليم جي ترقيءَ لاءِ هڪ جامع پروگرام شروع ڪري رهي آهي جنهن جو مقصد اسلامي معاشرن ۾ نياڻين جي تعليم کي ترقي ڏيڻي آهي، ڇوڪرين جي تعليم جي حمايت ۽ ان لاءِ جدوجهد ڪرڻ وارو قدم عالمي طور تي هڪ شاندار پيش قدمي آهي جيڪا ظاهر ڪري ٿي ته پاڪستان دنيا جي اسلامي ملڪن ۾ نياڻين جي تعليم لاءِ ڪيترو نه سنجيده آهي.
اسلامي جمهوريه پاڪستان دنيا جي اسلامي ملڪن جي سهڪار سان نياڻين جي تعليم کي اڳتي وڌائڻ لاءِ شروع ڪيل جامع رٿا لاءِ هڪ گڏيل پليٽ فارم جوڙِيو آهي جتي ڀائيوارن ۽ گڏجي ڪم ڪندڙ ڌرين کي گڏ ڪري رهيو آهي ته جيئن ان اعلى مقصد واري رٿا ۾ وڌ کان وڌ ملڪ شامل ٿي سگهن. ان ڏس ۾ پاڪستان جي وزيراعظم محمد شهباز شريف جي اڳواڻيءَ ۾ هڪ جامع رٿا ۽ پروگرام شروع ڪرڻ کان اڳ هڪ بنيادي منشور جاري پڻ ڪندو. پاڪستان جي گاديءَ واري هنڌ اسلام آباد ۾ شروع ٿيندڙ اهڙي رٿا جو مقصد حڪومتي، اسلامي ۽ عالمي سول تنظيمن جي وچ ۾ اتحاد قائم ڪرائي بين الاقوامي سطح تي تعاون ۽ گڏجي ڪم ڪرڻ واري عمل کي وڌائڻو آهي. اهو ئي سبب آهي جو اسلامي دنيا ۾ نياڻين جي تعليم کي ترقي ڏيارڻ لاءِ هڪ بين الاقوامي ۽ وسيع نيٽ ورڪ جي ضرورت آهي.
وزير اعظم محمد شهباز شريف جو کنيل اهڙو قدم مڪي جي چارٽر جي آرٽيڪل 25 ۾ بيان ڪيل اصولن کي اجاگر ڪرڻ جي ڪوشش ڪري رهيو آهي ۽ ان سان گڏوگڏ اصولن 22 ۽ 23 تي پڻ عمل ڪرڻ جي ڪوشش ڪري ٿو، جنهن ۾ اسلامي اسڪولن ۾ مختلف فرقن ۽ خيالن جي وچ ۾ هڪ پل تعمير ڪري نياڻين جي تعليم کي ترقي ڏيڻ آهي. انهن اصولن کي ٻي بين الاقوامي ڪانفرنس ۾ بيان ڪيو ويو آهي جنهن ۾ ٻن مقدس مسجدن جي نگران بادشاهه سلمان بن عبدالعزيز آل سعود جي سرپرستي هيٺ ڏني وئي آهي.جڏهن ته اهو قدم اسلامي تعاون جي تنظيم جي ميمبر ملڪن پاران منظور ڪيل قراردادن مطابق ڪيو ويو آهي.
بين الاقوامي پارٽنرشپس فار ايجوڪيشن ان مسلم سوسائٽيز پليٽ فارم جو هڪ عالمي ڪانفرنس ۾ بنياد رکيو ويندو ۽ ان جو افتتاح پڻ ڪيو ويندو جنهن جو عنوان آهي ”مسلم ڪميونٽيز ۾ ڇوڪرين جي تعليم: چئلينجز ۽ موقعا“، اهڙي ڪانفرنس 11-12 جنوري 2025ع تي منعقد ڪئي ويندي. اسلامي جمهوريه پاڪستان جي حڪومت پاران گڏيل طور تي پاڪستان ۽ مسلم ورلڊ ليگ جي ڪانفرنس ۾ وسيع بين الاقوامي شرڪت شامل هوندي، بين الاقوامي تنظيمن، حڪومتن، اسلامي ادارن جي نمائندن کي گڏ ڪرڻ، ۽ سينيئر مذهبي دانشور ۽ ميڊيا جي اڳواڻن سميت سول سوسائٽي جي ڪارڪنن کي پڻ سڄي دنيا مان دعوت ڏئي گهرايو ويندو.
ڪانفرنس حڪومت پاڪستان جي گڏيل طور تي مسلم ورلڊ ليگ جي مسلم آباديءَ جي حوالي سان پنهنجي ذميوارين ۽ انهن جي بحاليءَ جي بنيادن لاءِ غير متزلزل عزم جي عڪاسي ڪري ٿي. پوڊيم جو مقصد مستند اسلامي اصولن مطابق ڇوڪرين جي تعليم کي ترقي ڏيڻ آهي انهن کي درپيش چيلنجز کي منهن ڏيڻ ۽ ان مسئلي بابت غلط فهمين کي دور ڪرڻ آهي. ان کان علاوه، ڪانفرنس دنيا لاءِ هڪ اسلامي پيغام جي طور تي پڻ ڪم ڪندي ۽ انهيءَ ڳالهه جي تصديق پڻ ڪندي ته اسلام – علم، تهذيب ۽ عظيم قدرن جو مذهب آهي ۽ مضبوطي سان انهن سڀني قانونن ۽ عملن جي حمايت ڪري ٿو جيڪي ڇوڪرين کي تعليم تائين پهچڻ جي اجازت ڏين ٿا. ڪا به قانون سازي يا عمل، چاهي اهو ڪو فرد ڪري يا ڪو گروهه ڪري، جيڪي ڇوڪرين جي تعليم ۾ رڪاوٽ وجهي ٿو اهو غير اسلامي قدم آهي ۽ اسلامي تعليمات جي خلاف آهي، اسلامي معاشري ۾ نياڻين جي تعليم جو عمل هر رڪاوٽ کان آزاد آهي.
ڪانفرنس ڇوڪرين جي تعليم کي درپيش چيلنجز کي منهن ڏيڻ لاءِ حڪمت عملين جي شروعات ۽ ترقي تي ڌيان ڏيندي ۽ مسلم سماجن ۾ تعليمي نتيجن کي وڌائڻ ۽ بهتر ڪرڻ لاءِ موجود موقعن جو فائدو وٺندي. ڪانفرنس جو مقصد عورتن کي بااختيار بڻائڻ آهي ته جيئن مختلف شعبن ۾ انهن جو حصو وٺڻ ۽ ڪميونٽي جي ترقيءَ ۾ انهن جي ڪردار کي ادا ڪرڻ لاءِ بهتر کان بهتر موقعا فراهم ڪرڻ لاءِ ڪوششون ڪرڻ آهي. اسلامي معاشري ۾ نياڻين جي تعليم جي ترقي ۽ انهن جي معاشري ۾ حصيداري مٿي بيان ڪيل چارٽر جي ٻن بنيادي اصولن مطابق ڪئي ويندي جڏهن ته مسلم ورلڊ ليگ انهن اصولن کي وڌيڪ باعمل ۽ سرگرم بنائڻ سان گڏوگڏ انهن تي عمل ڪرڻ لاءِ پڻ پرعام آهي.
