لنڊن (ويب ڊيسڪ) لنڊن پوليس اڳوڻي چيف جسٽس رٽائرڊ قاضي فائز عيسيٰ جي گاڏي تي مبينا حملي جو ڪيس بند ڪري ڇڏيو.
اڳوڻي چيف جسٽس پاڪستان قاضي فائز عيسيٰ جي سفارتي گاڏي تي مڊل ٽيمپل تي مبينا حملي بعد پاڪستاني هاءِ ڪميشن پوليس کي شڪايت داخل ڪئي هئي.
پاڪستان پرڏيهي آفيس هاءِ ڪميشن کي هدايت ڪئي هئي ته واقعي جي فوٽيجز جو جائزو وٺي ملوث ماڻهن خلاف ڪارروائي ڪئي وڃي.
پاڪستاني هاءِ ڪميشن واقعي جي حوالي سان موجود ثبوت پوليس کي فراهم ڪيا هئا.
لنڊن پوليس جو چوڻ آهي ته واقعي ۾ ڪنهن جي زخمي نه ٿيڻ ۽ ڪو ٻيو نقصان نه ٿيڻ سبب هو ڪنهن به شخص تي فردجرم لاڳو نٿا ڪري سگهن.
پاڪستاني حڪومت ان واقعي ۾ مبينا طور ملوث 23 ماڻهن جا پاسپورٽ رد ڪري سندن نالا پاسپورٽ ڪنٽرول لسٽ ۾ شامل ڪيا ويا هئا.
