بلاويو (ويب ڊيسڪ) زمبابوي خلاف ٻي ٽي ٽوئنٽي ميچ لاءِ پاڪستان پليئنگ اليون جو اعلان ٿي ويو.
بلاويو ۾ پاڪستان ۽ زمبابوي وچ ۾ 3 ٽي ٽوئنٽي ميچن تي ٻڌل سيريز جي ٻي ميچ سڀاڻي کيڏي ويندي، جنهن لاءِ پليئنگ اليون ۾ ڪا تبديلي ناهي ڪئي وئي.
پاڪستان پليئنگ اليون ۾ سلمان آغا ڪپتان، صائم ايوب، عمير بن يوسف، عثمان خان، طيب طاهر، عرفان نيازي، جهانداد خان، عباس آفريدي، حارث رئوف، ابرار احمد ۽ صفيان مقيم شامل آهن.
واضح رهي ته 3 ميچن جي سيريز ۾ پاڪستان کي 0-1 جي سرسي حاصل آهي.
