ممبئي (ويب ڊيسڪ ) بالي ووڊ اداڪار وڪي ڪوشل جي فلم ” ڇاوا “ ۽ ڏکڻ ڀارتي فلمن جي سپر اسٽار الو ارجن جي بلاڪ بسٽر فلم ”پشپا“ جي سيڪوئيل ۾ ڪليش کانپوءِ ڇاوا جي رليز جي تاريخ اڳتي وڌائي وئي آهي.
ڇاوا ڇهه ڊسمبر تي رليز ٿيڻي هئي، جيڪا هاڻي ايندڙ سال 14 فيبروري محبت جي عالمي ڏهاڙي تي رليز ڪئي ويندي.
ڀارتي فلمي نقاد ترن آدرش جي انسٽاگرام پوسٽ موجب ڇاوا 14 فيبروري وڏي پردي تي رليز ڪئي ويندي، جڏهن ته الو ارجن ۽ رشميڪا مندنا جي فلم پشپا ٽو پنج ڊسمبر تي شيڊيول موجب رليز ٿيندي.
فلم ڇاوا ۾ به وڪي ڪوشل سان گڏ رشميڪا مندنا مرڪزي ڪردار ادا ڪري رهي آهي، لڪشمڻ اتيڪر جي هدايتڪاري هيٺ ٺهندڙ فلم ايڪشن ۽ تاريخ تي آڌاريل آهي، فلم جي ڪهاڻي مراٺي ناول ” ڇاوا “ تان کنئي وئي آهي.
