اسلام آباد (حماد حسن) پشاور مان جڏهن قافلو نڪري رهيو هو ته ان وقت علي امين گنڊاپور ۽ بشريٰ بي بي وچ ۾ سخت جملن جي ڏي وٺ ٿي هئي. ان کانپوءِ جڏهن قافلو صوابي وٽ ترسيو هو ته بشريٰ بي بي ويجهن ماڻهن کي چيو ته کيس لڳي ٿو ته علي امين گنڊاپور ڪنهن ٻئي هنڌان هدايتون وٺي رهيو آهي. ان کانپوءِ مشعال يوسفزئي ڪارڪنن کي علي امين گنڊاپور ڏانهن موڪليو ۽ ڪارڪنن علي امين گنڊاپور کي واش روم وڃڻ نه ڏئي رهيا هئا ڇو ته کين شڪ هو ته هو اتي وڃي ڪنهن ٻئي سان رابطو ڪندو. بشريٰ بي بي ۽ علي امين گنڊاپور قافلن ۾ موجود آهن پر هنن هڪ ٻئي سان ناهي ڳالهايو. علي امين گنڊاپور چوي ٿو ته مان رڳو عمران خان جو ڪارڪن آهيان، ٻئي ڪنهن جي ڳالهه نه مڃيندس.
