لاهور(عمران شفقت)علي امين گنڊاپور کي سائيڊ تي ڪري بشريٰ بي بي 10 کان 12 هزار پي ٽي آءِ ڪارڪنن جي جلوس جي اڳواڻي ڪري رهي آهي،اڳوڻي خاتون اول ڪي پي جي وڏي وزير جي چوڌاري 500 ماڻهن جي ڊيوٽي لڳائي ڇڏي آهي جيڪي کيس کاٻي کان ساڄي پاسي مڙڻ نٿا ڏين،بشريٰ بي بي مٿس اعتبار نه پئي ڪري هوڏانهن گهرو وزارت جي حڪمت عملي اها آهي ته انهن کي اسلام آباد کان ٻاهر روڪڻ جي ڪوشش ڪئي وڃي،علي امين گنڊاپور به آنسو گئس جي شيلن سان گڏ پهتو آهي، ذريعن مطابق پي ٽي آءِ وارا خودڪش حملو ڪرڻ آيا آهن انهن کي رڳو لاش کپن،اسپيشل برانچ جي رپورٽ مطابق پي ٽي آءِ وارا پاڻ پنهنجي ماڻهن کي ماري سگهن ٿا،حڪومت جو هڪ وڏو حلقو پي ٽي آءِ سان ڳالهين جو حامي آهي،ڪوشش آهي ته ماڻهو نه مرن،جهڙپون ٿين ٿيون ته پوليس ذريعي ئي انهن کي منهن ڏنو وڃي،جيڪڏهن فوج يا رينجرز اچي وئي ته ان سان پي ٽي آءِ جي ”مراد“ ئي پوري ٿي ويندي،اهي چاهين ٿا ته فوج يا رينجرز سان چڪريون ٿين جيئن پاڻ کي دنيا آڏو مظلوم بڻائي پيش ڪن انهن جو پلان اهو آهي ته ٽرمپ،آمريڪا ۽ ٻي دنيا کي وڊيو ذريعي اهو ڏيکارين ته فوج گوليون هلائي پاڪستان جي هٿين خالي ماڻهن کي ماري رهي آهي،جڏهن ته ملڪ جي وڏن شهرن ڪراچي،لاهور،فيصل آباد،ر اولپنڊي، حيدرآباد،سرگوڌا، ساهيوال ۾ زندگي معمول مطابق هلي رهي آهي.
نوٽ: هي تجزيو، روزاني عوامي آواز، اڱارو 26 نومبر 2024ع تي شايع ٿيو
