پراڪاسام (ويب ڊيسڪ ) آنڌرا پرديش جي پراڪاسام ضلعي ۾ فلسماز رام گوپال ورما خلاف مبينا طور اڳوڻي وڏي وزير چاندرا بابو نائيڊو جي پٽ نارا لوڪيش ۽ نُنهن برهمني تي توهين جوڳو تبصرو ڪرڻ جي الزام هيٺ ڪيس داخل ڪيو ويو آهي.
ڀارتي فلم ساز خلاف ڪيس مڊڊيپادو ٿاڻي ۾ تلگو ديشم پارٽي ( ٽي ڊي پي ) جي هڪ مقامي اڳواڻ راما لنگم جي شڪايت تي داخل ڪيو ويو آهي.
پرڏيهي ميڊيا رپورٽ موجب، رام گوپال ورما اِهو تبصرو پنهنجي فلم ” ويُوهم “ جي مشهوري مهم دوران ڪيو، فلم ۾ 2009ع ۾ اڳوڻي وڏي وزير واءِ ايس راج شيکر ريڊي جي حادثاتي موت ۽ واءِ ايس آر ڪانگريس پارٽي جي سياست ۾ عروج جي واقعن کي فلمايو ويو آهي.
رام گوپال خلاف اِهو ڪيس انفارميشن ٽيڪنالوجي ايڪٽ تحت داخل ڪيو ويو آهي، پوليس معاملي جي جاچ شروع ڪري ڇڏي آهي.
