اسلام آباد (ويب ڊيسڪ) سپريم جڊيشل ڪائونسل ججن خلاف 10 شڪايتون اڻ پوري مواد ۽ شاهدين جي بنياد تي خارج ڪري ڇڏيون.
چيف جسٽس يحيٰ آفريدي جي صدارت هيٺ سپريم جڊيشل ڪائونسل جو اجلاس ٿيو، جنهن ۾ ججن خلاف 10 شڪايتن جو جائزو ورتو ويو.
پڌرائيءَ ۾ چيو ويو آهي ته سپريم جڊيشل ڪائونسل 10 شڪايتون اڻ پوري مواد ۽ شاهدين جي بنياد تي خارج ڪري ڇڏيون.
پڌرائيءَ موجب سپريم جڊيشل ڪائونسل اجلاس ۾ اسلام آباد هاءِ ڪورٽ جي 6 ججن جي خط جو به جائزو ورتو ويو ۽ ڪائونسل جي اجلاس ۾ رولز ٺاهڻ جي حوالي سان تجويزن تي به مشاورت ڪئي وئي.
پڌرائيءَ ۾ چيو ويو آهي ته سپريم جڊيشل ڪائونسل سيڪريٽري جي تجويز تي رولز جو ڊرافٽ ايندڙ اجلاس ۾ پيش ڪيو ويندو ۽ ڪائونسل چيف جسٽس يحيٰ آفريدي کي ٽن مهينن لاءِ ڪائونسل لاءِ سيڪريٽري مقرر ڪرڻ جو اختيار به ڏئي ڇڏيو.
پڌرائي موجب سپريم جڊيشل ڪائونسل جو اجلاس هر مهيني گهرايو ويندو.
