ميلبرن (ويب ڊيسڪ) قومي ون ڊي ٽيم جي ڪپتان محمد رضوان چيو آهي ته اسان ڪجهه موقعا ضايع ڪيا ۽ قسمت آسٽريليا جو ساٿ ڏنو.
پهرين ون ڊي ميچ ۾ شڪست کانپوءِ صحافين سان ڳالهائيندي محمد رضوان چيو ته منهنجي خيال ۾ اسان سٺي ڪارڪردگي ڏيکاري، رڳو فاسٽ بالرن کي ان ڪري استعمال ڪيو ويو، ڇو ته اسان کي پنجين يا ڇهين بالر جي ضرورت نه پئي ها، ميچ 50 اوورن تائين ويندي نظر نه پئي آئي.
هن چيو ته اسان ڪجهه موقعا ضايع ڪيا ۽ قسمت آسٽريليا جو ساٿ ڏنو، انهن کي مبارڪ هجي، نتيجو الله جي هٿ ۾ آهي پر مان خوش آهيان ته اسان مقابلو ڪيو.
