ميلبرن (ويب ڊيسڪ) قومي ڪرڪيٽ ٽيم جي فاسٽ بالر حارث رئوف چيو آهي ته اسان هدف جو دفاع ڪري پئي سگهياسين پر بدقسمتي سان ميچ هارائي وياسين.
ميلبرن ۾ ميچ کانپوءِ پريس ڪانفرنس ڪندي حارث رئوف چيو ته اسان اٽيڪ ڪرڻ ۽ وڪيٽون وٺڻ جي ڪوشش ڪئي، اسان ميدان ۾ ٽيم طور ڪاميابي جي ڀرپور ڪوشش ڪئي.
هن چيو ته اسان ايڪسٽرا رنسون ڏنيون، جڏهن توهان لو اسڪورنگ هدف جو دفاع ۽ اٽيڪ ڪندا آهيو ته ائين ٿيندو آهي، بهتر بالنگ ڪئي وڃي ته گهٽ اسڪور جو به دفاع ڪري سگهجي ٿو.
سندس چوڻ هو ته اسان کان غلطيون ٿيون، انهن مان سکنداسين، وڏو اسڪور تڏهن ئي ٺهندو آهي جڏهن سٺي پارٽنر شپ لڳي، شايد اسان سٺي پارٽنر شپ نه پيا لڳايون.
