نئين دهلي (ويب ڊيسڪ) ڀارتي فضائيا جو جنگي جهاز اڏام دوران ڪِري تباهه ٿي ويو.
ڀارتي ميڊيا موجب فضائيا جو مِگ 29 جنگي جهاز آدم پور جي فضائي اڏي تان اڏام ڀري مشقن لاءِ آگرا وڃي رهيو هو.
آگرا ڀرسان جهاز زمين تي ڪِري پوي، جنهن کانپوءِ جهاز ۾ باهه به لڳي وئي.
ڀارتي ميڊيا جو چوڻ آهي ته جهاز زمين تي ڪِرڻ کان اڳ پائلٽ جهاز مان حفاظت سان نڪرڻ ۾ ڪامياب رهيو.
حادثي جا سبب ڄاڻڻ لاءِ جاچ شروع ڪئي وئي آهي، جڏهن ته واقعي جي وڊيو به سوشل ميڊيا تي گردش ڪري رهي آهي.
