اسلام آباد(م ڊ) پي ٽي آءِ چيئرمين بئريسٽر گوهر چيو آهي ته عمران خان جي يو آءِ (ف) جي سربراهه سان آئيني ترميم جي صلاح مشوري کي مثبت انداز ۾ وٺندي مشاورت جاري رکڻ جو حڪم ڏنو آهي، خان صاحب مولانا جي واکاڻ ڪئي، سومر تي عمران خان سان وري ملاقات ٿيندي، اسلام آباد ۾ پي ٽي آءِ اڳواڻن سان گڏ پريس ڪانفرنس ڪندي هن چيو ته پي ٽي آءِ جي باني سان 45 منٽ ملاقات ڪئي ۽ هو ٺيڪ آهي، هن چيو ته جيل وڃڻ کانپوءِ پهريون ڀيرو عمران خان پنهنجي سيل جي حالت جو ذڪر ڪيو آهي، سندس سيل ۾ 5 ڏينهن کان بجلي نه هئي، گذريل ٻن هفتن کان کيس اخبار ۽ ٽي وي جي سهولت به نه ڏني وئي، هو صرف اڍائي ڪلاڪن لاءِ پنهنجي سيل مان ٻاهر ايندو آهي، بئريسٽر گوهر چيو ته عمران خان پراميد آهي ۽ قوم لاءِ سندس پيغام آهي ته کيس 100 سال جيل ۾ گذارڻا پيا تڏهن به گهارڻ لاءِ تيار آهي، جيل ۾ عمران خان سان ٿيندڙ ناروا سلوڪ جي سخت مذمت ڪريون ٿا، سندس حقن جو به خيال رکيو وڃي ۽ کيس اهي سهولتون ڏنيون وڃن، جن جو هو حقدار آهي،
