ڪراچي( رپورٽر)سنڌ هاءِ ڪورٽ اسپتالن، اسڪولن سميت ٻين کاتن جي عوامي ترقياتي منصوبن ۾ ملازمن کي ڀرتي نه ڪرڻ خلاف درخواست تي ٻڌڻي، عدالت ڀرتيون نه ڪرڻ تي چيف سيڪريٽري کي وڏي وزير جي انسپيڪشن ٽيم جي چيئرپرسن شيرين ناريجو جي سربراهي ۾ اعلي’ سطحي ڪميٽي جوڙڻ جو حڪم ڏنو، عدالت چيو ته چيف سيڪريٽري اعلي’ سطحي ڪميٽي جوڙي، ٻڌڻي دوران 15 سالن ۾ ملازمتن جي منظوري نه ڏيڻ تي عدالت پاران سخت ڪاوڙ جو اظهار ڪيو ويو، عدالت چيو ته ڪميٽي ۾سيڪريٽري پلاننگ اينڊ ڊولپمينٽ ۽ ورڪس اينڊ سروس جي سيڪريٽري کي شامل ڪيو وڃي، ڪميٽي ۾ اوقاف کاتي جي سيڪريٽري ۽ وڏي وزير جي انسپيڪشن جي چيئرمين کي شامل ڪيو وڃي، عدالت چيو 15 سالن ۾ عوامي مقصدن لاءِ عمارتن جي اڏاوت جي باوجود ملازمن جون ڀرتيون منظور ڇو ناهن ڪيون ويون، جسٽس صلاح الدين پهنور ڪميٽي جي تفصيلي رپورٽ به طلب ڪري ورتي.
