ابوظهي (ويب ڊيسڪ ) بالي ووڊ جي خوبرو اداڪارا اننيا پانڊي پنهنجي فيورٽ پاڪستاني اداڪارن جا نالا ٻڌائي ڇڏيا.
ڀارت جي مشهور آئيفا ايوارڊز مان اننيا پانڊي جي هڪ وڊيو ڪلپ وائرل ٿي رهي آهي جنهن ۾ اداڪارا کان پاڪستاني اداڪارن بابت سوال پڇيو ويو.
جنهن جي جواب ۾ اننيا پانڊي پاڪستان جي سپر اسٽار اداڪارا ماهرا خان ۽ فواد خان کي پنهنجي پسنديدا اداڪار جوڙي قرار ڏنو.
اننيا پانڊي جي ڪلپ سوشل ميڊيا تي تيزيءَ سان وائرل ٿي رهي آهي، جنهن تي مداح دلچسپ قسم جا تبصرا ڪري رهيا آهن.
واضح رهي ته اداڪارا ماهرا خان ڀارت ۾ بالي ووڊ ڪنگ شاهه رخ خان سان گڏ فلم رئيس ۾ڪم ڪيو آهي جڏن ته فواد خان سونم ڪپور سميت ٻين اداڪارن مختلف فلمن ۾ اداڪاري جا جوهر ڏيکاري چڪو آهي.
