دبئي(ويب ڊيسڪ ) قومي وومين ٽيم جي ڪرڪيٽرز چيو ته ٽي ٽوئنٽي ورلڊ ڪپ لاءِ حڪمت عملي تيار ڪري ورتي آهي، اميد آهي ته سٺا نتيجا ايندا.
آءِ سي سي وومينز ٽي ٽوئنٽي عالمي ڪپ جي اسڪواڊ ۾ شامل پاڪستاني پليئر نشره سنڌو چيو ته ورلڊ ڪپ لاءِ سندن تيار سٺي رهي آهي، گروپ ۾ مضبوط ٽيمون آهن جن خلاف حڪمت عملي تحت ميدان تي لهنداسين.
سعديه اقبال چيو ته ورلڊ ڪپ لاءِ تياري مڪمل ڪري ورتي آهي، ڏکڻ آفريڪا خلاف سيريز مان گهڻو ڪجهه سکڻ جو موقعو مليو، دبئي جي ڪنڊيشن ۽ پچز اسپنر لاءِ سازگار آهن ان شئي کي ڏسندي فائنل اليون ترتيب ڏني ويندي.
ان موقعي تي صدف شمس چيو ته هوءَ پهريون ڀيرو عالمي ڪپ ۾ ملڪ جي نمائندگي ڪري رهي آهي، ميگا ايونٽ ۾ سٺي ڪارڪردگي ڏيکارڻ لاءِ پراميد آهيان.
