اسلام آباد (ويب ڊيسڪ) سياري ۾ گئس جي امڪاني کوٽ کان بچڻ لاءِ حڪومت ڊسمبر ۽ جنوري دوران وڌ کان وڌ ايل اين جي ڪارگوز بُڪ ڪرائي ورتا.
پيٽروليم وزارت طرفان پارليامينٽ کي فراهم ڪيل تفصيلن ۾ ٻڌايو ويو آهي ته سياري ۾ قدرتي گئس جي کوٽ باوجود سوئي ڪمپنيون کاڌو پچائڻ جي وقت ۾ گئس فراهمي جو مناسب انتظام ڪنديون آهن.
پيٽروليم وزارت جي اختيارين موجب سياري ۾ گئس جي گهرج پوري ڪرڻ لاءِ ڊسمبر ۽ جنوري لاءِ وڌ کان وڌ ايل اين جي ڪارگوز بڪ ڪرايا ويا آهن، جڏهن ته هن وقت 10 ايل اين جي ڪارگوز ماهوار درآمد ڪا ويندا آهن.
