حيدرآباد(رپورٽر) حيدرآباد پوليس اڳوڻي صوبائي صلاحڪار محمد اسماعيل ڏاهري کي سندس گارڊ سميت چرس ۽ هٿيار رکڻ جي الزام هيٺ گرفتار ڪري ورتو آهي. سندس خلاف 5 ڪلو کان وڌيڪ چرس ۽ بنا لائسنس جي ڪلاشنڪوف هٿ ڪرڻ جو ڪيس داخل ڪيو ويو آهي. گرفتاري ظاهر ڪرڻ کانپوءِ ٻنهي ڄڻن کي مقامي عدالت ۾ پيش ڪيو ويو. عدالت کين جڊيشل رمانڊ تي سينٽرل موڪلڻ جو حڪم ڏنو. عدالت جي احاطي ۾ ميڊيا سان ڳالهائيندي اسماعيل ڏاهري صوبائي گهرو وزير ضياءَ لنجار تي الزام مڙهيندي چيو ته ضياءَ لنجار جي خواهش آهي ته آئون کانئس معافي وٺان. آئون ضياءَ لنجار کي فريال ٽالپر وٽ وٺي ويندو هئس. هن چيو ته منهنجو ڊرائيور ۽ پي ايس گم آهن. ممڪن آهي ته انهن کي هاف يا فل فراءِ ڪيو وڃي يا وري ماري ڪٽي منهنجي خلاف شاهدي لاءِ بيهاريو وڃي.
