سنوڪر ورلڊ ڪپ: پاڪستاني رانديگر ڇائنجي ويا

منگوليا ۾ جاري سنوڪر ورلڊ ڪپ جي پهرئين ڏينهن پاڪستاني رانديگرن شاندار ڪارڪردگي جو مظاهرو ڪندي پنهنجون ٻئي ميچون کٽي ورتيون.
اسجد اقبال ۽ اويس منير پنهنجي ٻنهي ميچن ۾ بنا ڪو فريم ڊراپ ڪرڻ جي ڪاميابي ماڻي.
اسجد اقبال پهرين ميچ ۾ منگوليا جي بتارکونرانکو کي 0-3 تان شڪست ڏني، سندس اسڪور38-71، 51-71، 32-110 رهيو.
ٻي ميچ اسجد اقبال جپان جي جونجي ميازوا کي به بنا ڪو فريم ڊراپ ڪرڻ جي شڪست ڏني ۽ اسڪور 18-68، 11-63 ۽ 01-83 هو.
اويس منير پنهنجي پهرين ميچ ۾ منگولين رانديگر ڪاش اوچير کي مات ڏني، اسڪور، 17-60،12-62 ۽ 09-81 رهيو ٻي ميچ ۾ اويس اومان جي حسين الواتي کي بنا فريم ڊراپ ڪرڻ جي شڪست ڏني، سندس ڪاميابي جو اسڪور 06-68-12-101(75) ۽ 15-83 رهيو.