مشهور ڀارتي ڪامينٽيٽر هرشا ڀوگلي بنگلاديش خلاف پاڪستان جي تاريخي شڪست کي ” شرمناڪ “ قرار ڏئي ڇڏيو.
پاڪستان جي بنگلاديش هٿان ٻن ٽيسٽ ميچن جي سيريز ۾ 2-0 تان شڪست تي مشهور ڀارتي ڪامينٽيٽر هرشا ڀوگلي به چپ نه رهي سگهيو.
سماجي رابطن جي ويب سائيٽ ٽوئيٽر تي جاري ڪيل بيان ۾ هرشا ڀوگلي چيو ته پاڪستاني ٽيم جي بنگلاديش هٿان شڪست جي اميد نه هئي، مون کي ياد آهي ڪجهه عرصو اڳ چيو ويو هو ته راند جيتري مختصر هوندي، پاڪستان ايترو ئي خطرناڪ ٿيندو ۽ راند جيتري ڊگهي ٿيندي هو ايترو ئي ڪمزور ٿيندو.
هن چيو ته مون کي اميد نه هئي ته اِهو ايترو سخت هوندو، جهڙي طرح بنگلاديش کيڏيو، اِها پاڪستان لاءِ شرمناڪ صورتحال آهي.
