ڀارت جي شهر ڪلڪتي ۾ 31 ورهين جي ٽريني ڊاڪٽر جي ريپ ۽ قتل خلاف سڄي ملڪ ۾ ماڻهو سراپا احتجاج آهن.
هوڏانهن ڀارت ۾ ريپ ڪيسن کانپوءِ اهڙن ڏوهن جون وڊيوز آن لائن سرچ ڪرڻ ۽ وڪرو ڪرڻ جو خوفناڪ رجحان به ڏسڻ ۾ اچي رهيو آهي.
ڀارتي ميڊيا موجب اهي وڊيوز وڏي انگ ۾ آن لائن وڪرو ٿينديون آهن، اهو انڪشاف ڀارتي معاشري ۾ خوفناڪ تضادن کي واضح ڪري ٿو.
ڀارت ۾ جڏهن به ڪو ريپ جو افسوسناڪ واقعو ٿيندو آهي ته ان واقعي جون وڊيوز آن لائن سرچ ڪندڙن جي انگ ۾ واڌ ٿي ويندي آهي.
ڀارت جي هڪ سينيئر پوليس آفيسر موجب ريپ جي وڊيوز جو وڪرو ڪا نئين ڳالهه ناهي، اهي وڊيوز اڳ ۾ سي ڊيز ۽ يو ايس بي ذريعي ڀارت جي ٻهراڙين تائين پهچنديون هيون پر هاڻ انٽرنيٽ اچڻ کانپوءِ واٽس ايپ ۽ ٽيلي گرام تي ڪم شروع ٿي ويو آهي.
پوليس جو چوڻ آهي ته اهي وڊيوز وائرل ٿيڻ کانپوءِ ڪلپس کي اڳتي وڌڻ کان روڪڻ لڳ ڀڳ ناممڪن ٿي ويندو آهي.
