ممبئي (ويب ڊيسڪ) بالي ووڊ اداڪارا ڪنگنا رناوت عورتن جي تذليل کي ڏسندي آن لائن پليٽ فارمز جي مواد تي سينسرشپ جو مطالبو ڪري ڇڏيو.
هڪ انٽرويو ۾ ڪنگنا رناوت او ٽي ٽي مواد جي وڌندڙ رجحان تي ڳالهائيندي چيو ته سينسرشپ وقت جي ضرورت آهي، اهي شوز عورتن جي تذليل ۾ واڌ جو سبب بڻجي رهيا آهن.
هن چيو ته مواد تمام گهڻو پرتشدد ۽ اعتراض جوڳو ٿي ويو آهي، ڀارت ۾ جيڪي ڪيس ٿي رهيا آهن، اهي سڀني لاءِ ڳڻتي جوڳا آهن.
سندس چوڻ هو اسان کي ان حد تائين نه وڃڻ گهرجي جو مردن ۽ عورتن کي هڪجهڙو بڻائي ڇڏيون، محنت ڪرڻ، نرمي ڏيکارڻ، تحفظ جي خواهش کي ختم ڪري ڇڏيون، اسان جي ثقافت کي زهريلو نه ٿيڻ گهرجي.
