ڍاڪا (ويب ڊيسڪ ) بنگلاديش جي عبوري حڪومت جي نامزد سربراهه ڊاڪٽر محمد يونس چيو آهي ته ڀارت جا بنگلاديشي جي غلط ماڻهن سان لاڳاپا آهن.
پرڏيهي ميڊيا سان ڳالهائيندي پروفيسر محمد يونس چيو ته مهرباني ڪري ڀارت پنهنجي پرڏيهي پاليسي تي نظرثاني ڪري.
گذريل ڏينهن پارليامينٽ ٽوڙڻ کانپوءِ ڊاڪٽر محمد يونس جي سربراهي ۾ بنگلاديش جي عبوري حڪومت ميمبرن کي اڄ حتمي شڪل ڏيڻ جو امڪان آهي، حڪومت جي نامزد سربراهه پروفيسر محمد يونس سڀاڻي پئرس کان ڍاڪا پهچندو.
عبوري حڪومت جي چارج سنڀالڻ کانپوءِ ملڪ ۾ فوري چونڊن جو امڪان آهي.
ٻئي پاسي بنگلاديش ۾ زندگي جو ڪاروهنوار معمول تي اچڻ لڳو آهي ۽ تعليمي ادارا ۽ گارمنٽس فيڪٽريون ٻيهر کُلي ويون آهن جڏهن ته روڊن تي ٽريفڪ به روان دوان آهي.
