واشنگٽن (ويب ڊيسڪ)آمريڪي شهري لڳ ڀڳ پوڻا 4 ڪلوگرام وزني واڱڻ پوکي عالمي رڪارڊ ٽوڙي ڇڏيو.
پرڏيهي ميڊيا رپورٽن موجب، وزني ڀاڄيون پوکڻ جي شوقين آمريڪي شهري ڊيو بينيٽ جو چوڻ آهي ته هو لڳ ڀڳ پنجن سالن کان وزني واڱڻ پوکي رهيو آهي.جنهن 2 سال اڳ 5.6 پائونڊ وزني واڱڻ پوکي رڪارڊ قائم ڪيو هو،
هن جو وڌيڪ چوڻ آهي ته هن ڀيري 8.33 پائونڊ وزني واڱڻ پوکائي نئون عالمي رڪارڊ قائم ڪري ڇڏيو آهي. آمريڪي شهري موجب، گينيز ورلڊ رڪارڊن ساڻس رابطو ڪيو آهي ۽ هن جي درخواست قبول ڪئي وئي آهي.
ياد رهي ته 2022 ۾ انگلينڊ جي هڪ شهري 7.21 وزني واڱڻ پوکي عالمي رڪارڊ قائم ڪيو هو.
