يورپي ملڪ سوئيڊن علائقائي ڇڪتاڻ کي نظر ۾ رکندي لبنان جي راڄڌاني بيروت ۾ سفارتخانو بند ڪرڻ جو اعلان ڪري ڇڏيو.
پرڏيهي ميڊيا موجب، سوئيڊش پرڏيهي وزارت بيروت ۾ موجود سفارتي عملي کي قبرض وڃڻ جي هدايت ڪري ڇڏي.
سوئيڊش پرڏيهي وزير سرڪاري رڊيو سان ڳالهائيندي چيو ته لبنان ۾ موجود سوئيڊش شهري جيترو جلدي ٿي سگهي اتان نڪري وڃن.
هن چيو ته سفارتخانو بند ڪرڻ جو فيصلو ابتدائي طور آگسٽ جي مهيني لاءِ ڪيو ويو آهي، سفارتخاني جي بندش ۾ سيڪيورٽي صورتحال کي نظر ۾ رکندي واڌ ٿي سگهي ٿي.
سندس چوڻ هوته لبنان ۾ سفارتخاني کي عارضي طور تي ڪنهن ٻئي هنڌ منتقل ڪرڻ جو منصوبو آهي، پرڏيهي وزارت صورتحال کي مانيٽر ڪري رهي آهي.
ياد رهي ته اسرائيل ۽ حزب الله وچ ۾ ڇڪتاڻ وڌڻ ۽ حزب الله پاران پنهنجي اڳواڻ جو بدلو وٺڻ جو اعلان ڪري ڪيو ويو آهي.
هواڏنهن آمريڪا ۽ برطانيا به پنهنجي شهرين کي فوري طور لبنان ڇڏڻ جي هدايت ڪئي آهي، لبنان ۾ آمريڪي سفارتخاني هدايت ڪئي آهي.
