اسلام آباد ( ويب ڊيسڪ ) جسٽس رٽائرڊ مشير عالم ۽ مقبول باقر کانپوءِ جسٽس رٽائرڊ مظهر عالم ميان خيل به سپريم ڪورٽ جو ايڊهاڪ جج بڻجڻ کان معذرت ڪري ڇڏي.
وفاقي حڪومت طرفان سپريم ڪورٽ جي ايڊهاڪ ججز طور چئن اڳوڻن ججن جا نالا تجويز ڪيا ويا هئا.
تجويز ڪيل چئن اڳوڻن ججن ۾ جسٽس مشير عالم، جسٽس سردار طارق مسعود، جسٽس مظهر عالم ميان خيل ۽ جسٽس رٽائرڊ مقبول باقر شامل هئا.
سپريم ڪورٽ ۾ ايڊهاڪ ججن جي مقرري لاءِ جڊيشل ڪميشن جو اجلاس اڄ ٿي رهيو آهي جنهن ۾ ايڊهاڪ ججن جي نالن تي غور ڪيو ويندو.
جسٽس مشير عالم ۽ جسٽس رٽائرڊ مقبول باقر پهريان ئي سپريم ڪورٽ جو ايڊهاڪ جج بڻجڻ کان معذرت ڪري چڪا آهن جڏهن ته جسٽس سردار طارق مسعود ۽ جسٽس مظهر عالمي ميان خيل ايڊهاڪ جج بڻجڻ تي راضپو ظاهر ڪيو هو.
پر هاڻ اطلاع آهن ته جسٽس مظهر عالم ميان خيل به سپريم ڪورٽ جو ايڊهاڪ جج بڻجڻ کان معذرت ڪري ڇڏي آهي.
ذريعن موجب، جسٽس رٽائرڊ مظهر عالم ميان خيل جڊيشل ڪميشن کي به پنهنجي فيصلي کان آگاهه ڪري ڇڏيو آهي.
