ڪراچي (ويب ڊيسڪ ) سنڌ ۾ اڄ رات کان چوماسي جون هوائون داخل ٿيڻ جو امڪان آهي.
موسميات کاتي موجب، سنڌ جي مختلف حصن ۾ اڄ موسم گرم ۽ گهميل رهندي ، جڏهن ته اڄ سنڌ جي سامونڊي پٽي وارن علائقن ۾ ڪٿي ڪٿي بوندا باندي جو امڪان آهي.
موسميات کاتي جو چوڻ آهي ته اڄ رات کان سنڌ ۾ چوماسي جون هوائون داخل ٿيڻ جو امڪان آهي جنهن سبب ست کان اٺ جولاءِ دوران ٿرپارڪر، عمر ڪوٽ ۽ ميرپور خاص ۾ گجگوڙ ۽ کنوڻ سان برسات ٿي سگهي.
موسميات کاتي موجب، ڪراچي ۽ سجاول ۾ 8 ۽ 9 جولاءِ تي گجگوڙ ۽ کنوڻ سان برسات جو امڪان آهي.
