پشاور(ويب ڊيسڪ) ٽڪ ٽاڪ انتطاميا چيف جسٽس پشاور هاءِ ڪورٽ کي خط ۾ چيو آهي ته پاڪستان ۾ توهين آميز مواد بابت پاليسي سخت آهي.
توهين آميز ۽ ناڪاري مواد جي پروموشن تي ٽڪ ٽاڪ بند ڪرڻ جي درخواست واري مامري تي ٽڪ ٽاڪ انتظاميا طرفان پشاور هاءِ ڪورٽ جي چيف جسٽس کي خط لکيو ويو.
خط ۾ چيو ويو ته ٽڪ ٽاڪ تي توهين آميز مواد ۽ انجي بندش ڪيس بابت خبرون مليون آهن، پاڪستان ۾ توهين آميز مواد بابت ٽڪ ٽاڪ جي پاليسي سخت آهي.
خط موجب ٽڪ ٽاڪ تي پي ٽي اي کي توهين آميز مواد هٽائڻ لاءِ خصوصي پورٽل فراهم ڪيو آهي ۽ پورٽل تي رپورٽ شدا توهين آميز مواد کي ٽڪ ٽاڪ بلاڪ ڪندو آهي.
ٽڪ ٽاڪ انتظاميا جو چوڻ هو ته پي ٽي اي تازو ئي ڪو به توهين آميز مواد رپورٽ ناهي ڪيو، ٽڪ ٽاڪ پاڻ ئي پي ٽي اي پاڻ کي مواد رپورٽ ڪرڻ جي درخواست ڪئي.
Pakistan TikTok Letter
