لاهور ( بيورو+م ڊ ) مونس الاهي خلاف گهيرو وڌيڪ سخت ٿيندو ويو، ايف آءِ اي مني لانڊرنگ ڪيس ۾ ضمني چالان داخل ڪري ڇڏيو ، وفاقي جاچ اداري ايف آءِ اي مني لانڊرنگ ڪيس ۾ مونس الاهي خلاف ضمني چالان داخل ڪري ڇڏيو آهي. مني لانڊرنگ ڪيس ۾ لاهور جي ايف آءِ اي عدالت ۾ ضمني چالان داخل ڪيو ويو آهي. ان کان اڳ لاهور هاءِ ڪورٽ مني لانڊرنگ ڪيس ۾ پاڪستان تحريڪ انصاف جي اڳواڻ ۽ اڳوڻي وفاقي وزير مونس الاهي جي گهرواري تحريم الاهي جا ناقابل ضمانت گرفتاري وارنٽ جاري ڪري ڇڏيا هئا. ضمني چالان ۾ فراست علي چٺا هڪ ارب رپيا مونس الاهي جي ڪمپنين ۾ جمع ڪرايا. واضح رهي ته مونس الاهي جا ريڊ وارنٽ انٽرپول کي پهريان ئي جاري ٿي چڪا آهن.
