اسلام آباد ( ويب ڊيسڪ ) اڳوڻي وفاقي وزير ۽ سينيٽر فيصل واوڊا توهينِ عدالت ڪيس ۾ سپريم ڪورٽ کان غير مشروط معافي وٺڻ کان انڪار ڪري ڇڏيو.
فيصل واوڊا توهينِ عدالت نوٽيس تي 16 صفحن تي ٻڌل پنهنجو جواب سپريم ڪورٽ ۾ جمع ڪرائي ڇڏيو
فيصل واوڊا پنهنجي جواب ۾ چيو ته سندس پريس ڪانفرنس جو مقصد عدليا جي توهين نه پر ملڪ جي بهتري هو.
اڳوڻي وزير طرفان رئوف حسن، مولانا فضل الرحمان ۽ شهباز شريف جون تقريرن جا ٽرانسڪرپٽ به عدالت ۾ پيش ڪيا ويا.
فيصل واوڊا جواب ۾ وڌيڪ چيو ته پي ٽي آءِ اڳواڻ رئوف حسن محترم جج کي ٽائوٽ چيو ۽ عدليا ۽ ججن کي ڌمڪايو، مولانا فضل الرحمان به سپريم ڪورٽ جي آڏو تقرير ۾ ججن کي ڌمڪايو جڏهن ته شهباز شريف ججن کي ڪاريون رڍون قرار ڏنو.
هن پنهنجي جواب ۾ استدعا ڪئي آهي ته عدالت توهين عدالت جي ڪارروائي اڳتي وڌائڻ بدران صبر جو مظاهرو ڪري ۽ نوٽيس واپس ورتو وڃي.
ياد رهي ته سپريم ڪورٽ سينيٽر فيصل واوڊا ۽ مصطفيٰ ڪمال عدليا مخالف بيان ڏيڻ تي توهينِ عدالت جو نوٽيس جاري ڪيو ويو هو، جنهن کانپوءِ مصطفيٰ ڪمال غير مشروط معافي وٺي ڇڏي آهي.
FaisalVawda unconditionalapology contemptcase
