ايف آءِ اي هيڊ ڪوارٽرز مان ڪروڙين رپين جي چوري ڪندڙ جوابدار گرفتار

راولپنڊي (ويب ڊيسڪ) ايف آءِ اي هيڊ ڪوارٽرز مان سامان چوري ڪندڙ ٻن جوابدارن کي گرفتار ڪيو ويو، هيڊ ڪوارٽر مان 5 ڪروڙ رپين جي ماليت جو سامان چوري ٿيو هو.
پوليس موجب ڪروڙين رپيا ماليت جي سامان جي چوري ۾ اڳوڻو ايف آءِ اي ملازم به شامل آهي، مندرا ٿاڻي جي پوليس گرفتار جوابدارن وٽان چوري ڪيل سامان برآمد ڪري ورتو.
سامان ۾ موبائل فونز، وائرليس سيٽ، جعلي نمبر پليٽون، پرڏيهي ڪارڊ، سڃاڻپ ڪارڊ شامل آهن.
پوليس ٻڌايو ته ڪارروائي ۾ 5 ڪروڙ رپين جي ملڪي ۽ پرڏيهي ڪرنسي به برآمد ڪئي وئي، گرفتار جوابدارن ۾ سعد انور ۽ محمد حمزا شامل آهن، چوري ۾ ملوث عبدالله خان، مهتاب، علي ۽ حسن اڳ ئي گرفتار آهن.
جوابدارن اعترافي بيان ۾ چيو ته سامان ايف آءِ اي هيڊ ڪوارٽرز جي سي بي سي آفيس مان چوري ڪيو ويو.

fia pakistan islamabad

You might also like
Leave A Reply

Your email address will not be published.